Солтүстік Қазақстан облысының әкімі Гауез Нұрмұхамбетов су тасқыны кезіндегі көмегі үшін “Солтүстік” ӘКК АҚ ұжымына алғыс айтты.

ӘКК қызметкерлері Қызылжар ауданының Тепличное ауылындағы бөгетті нығайтуға көмектесті. Тәулік бойы қорғаныс құрылыстарында жұмыс істейтін 300 адамға арналған ыстық түскі ас ұйымдастырылды. Бұдан басқа, “Солтүстік “ӘКК” АҚ гуманитарлық көмек ретінде Қызылжар ауданына азық-түлікпен көмектесті.

Айта кетейік, ӘКК 2024 жылғы су тасқыны болып жатқан оқиғалардан тыс қалмады. Корпорация әскери қызметшілер мен құтқарушыларды өнімдермен қамтамасыз етті,
Қызылжар және Есіл аудандарында ауылдағы бөгетті нығайтуға көмектескен 6637 әскери бөлімінің әскери қызметшілеріне жұмыс істеген үшін ыстық тамақ ұйымдастырды.