“Солтүстік”ӘКК тұрақтандыру қорына бір вагон күнбағыс майы келді

Тұрақтандыру қорының қоймаларына қосымша 50 тонна “Дельное” күнбағыс майы түсті.

Сауда нүктелеріне майдың үздіксіз жеткізілуін қамтамасыз ету үшін тұрақтандыру қорына Алматы облысынан бір вагон өнім уақтылы келді. 2025 жылға “Солтүстік” ӘКК тұрақтандыру қорына барлығы 583 тонна күнбағыс майын сатып алды

Естеріңізге сала кетейік, тұрақтандыру қорына әлеуметтік маңызы бар азық-түлік тауарларының 19 атауының 14-і сатып алынады. Бұл мақсаттарға облыстық бюджеттен қаражат бөлінеді. “Солтүстік” ӘКК” АҚ тұрақтандыру қорын қалыптастырады. Облыста өндірілмейтінді қоспағанда, өнімді жергілікті тауар өндірушілерден сатып алады (күріш, қант, күнбағыс майы, тұз). Сатып алу қарыз, форвардтық сатып алу және жеткізу шарттарын жасасу арқылы жүзеге асырылады.

Өнімдер тұрақтандыру қорының нүктелеріне күн сайын, супермаркеттерге – аптасына үш рет, екі рет – үй жанындағы дүкендерге жеткізіледі. Тұрақтандыру қорымен ауылдық дүкендер де жұмыс істейді. Өтінімдерді аудандардағы кәсіпкерлік бөлімдері қабылдайды және “Солтүстік “ӘКК”АҚ-ға береді.

Сауда нүктелерінің тізімі және тұрақтандыру қоры өнімдерінің өзекті бағалары “Солтүстік” ӘКК сайтында орналастырылады».