СҚО тұрақтандыру қорына ірі қара мал еті сатып алынды
Тұрақтандыру қорына ірі қара мал етінің алғашқы партиясы келді. Әлеуметтік маңызы бар өнім бірден сатуға жіберілді.
Жауырын- төс бөлігі “Рахмет” сауда үйіндегі “Северный” супермаркетіне және Достық моллдағы “Aimer” супермаркетіне түсті. Бір килограмм ет 3 300 теңге бағамен сатылатын болады.
Ірі қара мал етін тұрақтандыру қорына жеткізу апта сайын жүзеге асырылады.
Естеріңізге сала кетейік, өңірдің тұрақтандыру қорын қалыптастырумен “Солтүстік “ӘКК”АҚ айналысады.
Сауда нүктелерінің тізімі және тұрақтандыру қоры өнімдерінің өзекті бағалары ӘКК сайтында орналастырылады.