Жақсылық Есдаулетов: Адам – Конституцияның жаңа редакциясының басты құндылығы.

Солтүстік Қазақстан облысында Қазақстан Республикасы Конституциясының жаңа редакциясы жобасы талқыланды. Негізгі заңдағы жаңартулардың басты назарында – адам құқықтары мен бостандықтарының басымдығы, халықтың мемлекеттік биліктің бірден-бір қайнар көзі әрі егемендіктің иесі ретіндегі рөлі, сондай-ақ негізгі құндылықтарды бекіту мәселелері тұр.

– Мемлекет – ол біз. Сондықтан елде атқарылып жатқан барлық іс ең алдымен азаматтардың игілігі үшін бағытталған. «Заң мен тәртіп» қағидалары, «Таза Қазақстан» идеясы және жаңартылған Конституцияның бүкіл философиясы бір ортақ логикамен біріктірілген – әрбір азаматтың қадір-қасиетін, құқықтары мен әл-ауқатын қорғау. Қабылданатын Негізгі заңның адамға бағдарланған сипаты да осында, – деп атап өтті облыстық мәслихат депутаты, «Солтүстік» ӘКК» АҚ Басқарма төрағасы Жақсылық Есдәулетов.