“Солтүстік”ӘКК қолдауымен шағын өнеркәсіп аймағы салынуда

Петропавлда “Eco Glade” шағын өнеркәсіптік аймағы пайда болады. Жоба “Солтүстік” ӘКК ” АҚ қолдауымен жүзеге асырылуда.

Өнеркәсіптік аймақ 9 гектар жерді алып жатыр. Ғимараттың ауданы 20 мың шаршы метрден асады.

Шағын өнеркәсіп аймағын құрудың бірінші кезеңінде қағаз бұйымдары фабрикасын ашу жоспарлануда. Кәсіпорында қайта өңделген қағаздан, макулатурадан бұйымдар шығарылатын болады. Оның ішінде дәретхана қағазы, қағаз сүлгілер, майлықтар және басқалар. Жобалық қуаттылығы-жылына 18 мың тонна өнім болады.

Үй-жайлардың қалған бөлігін шағын және орта бизнес субъектілеріне ұзақ мерзімге және жеңілдікті шарттармен жалға беру жоспарлануда. Бизнесті мұндай қолдау өңдеу өнеркәсібінің өнім көлемінің өсуіне ықпал ететін болады. Сонымен қатар, шағын өнеркәсіп “Qyzyljar” арнайы экономикалық аймағының аумағында орналасқан, оған қатысушылар үшін преференциялар қарастырылған.

Солтүстік қазақстандықтар үшін шағын өнеркәсіп аймағының ашылуы, ең алдымен, қосымша жұмыс орындары мен жергілікті өндіріс өнімдері болып табылады.

Жобаның жалпы құны 3,9 млрд теңгені құрайды. Қаржыландыру “Eco Glade” ЖШС меншікті қаражаты есебінен және инвестицияларды тарта отырып жүзеге асырылады. Оның ішінде “Солтүстік “ӘКК” АҚ және “Өнеркәсіпті дамыту қоры”АҚ арқылы берілетін қарыздар.