М. Жұмабаев ауданында 3600 басқа арналған сүт фермасы салынды

Солтүстік Қазақстан облысы М. Жұмабаев ауданында “Солтүстік” ӘКК АҚ қолдауымен ірі сүт-тауар фермасы салынды.

“СК-Агро” ЖШС Советское ауылында 3600 сауын сиырға арналған ферма құрылысын аяқтады. Бірақ бұл қуаттылықты келешекте агроқұрылым жалпы мал басын 12 мың басқа дейін ұлғайтуды жоспарлап отыр

– 850 орындық мал ұстауға арналған үй-жайлар 90% дайын. Қазір ішкі жұмыстар жүргізілуде, қажетті жабдықтар орнатылуда. Сонымен қатар сауу-сүт блогындағы жұмыстар аяқталуда. Онда компанияның 100 орындық Westfalia “карусель” сауу кешені орнатылады. Бұл елдегі ең үлкен карусель болады, әдетте 50 бастық кешен орнатылады. Біз бірден бұзауларға арналған бөлмелер саламыз. Фермаға алынған учаскенің жалпы ауданы 62 га құрайды, – деді компанияның заңгері Борис Аминов.

Гольштейн-фриз тұқымының 390 сиыры сатып алынды. Тайыншалар Эстония мен Украинадан келеді. 200 бастан тұратын алғашқы партия қазан айында күтілуде.

Мал азығы дайындалды. “СК-Агро” 30 мың гектардан астам егістік алқаптары бар. Оның ішінде үш мың гектардан астамы жемшөп дақылдарын өсіруге берілді. Б. Аминовтың айтуынша, биыл олар жүгеріден жақсы өнім алып, оны жинауға дайындалып, сол арқылы жем-шөп қорын толықтырады. Арнайы Украинадан малға арналған толыққанды азықтандыруды құрастырумен айналысатын маман шақырылды.

Толық қуатына шыққан кезде Советское фермасы жылына 39 мың тонна сүт өндіретін болады. Оны жергілікті сүт өңдеу кәсіпорындары жүзеге асыруды жоспарлап отыр. Көршілес Ақмола облысы мен Астанадан сүт өнімдерін өндірушілер “СК-Агро ” компаниясымен ынтымақтастыққа мүдделі.

Алдын ала есептеулер бойынша жобаның жалпы құны 8 млрд теңгеге жетеді. Оның 3,2 млрд теңгесі – “Солтүстік” ӘКК АҚ арқылы алынған қарыз қаражаты.  Б. Аминов сүт-тауар фермаларын салуды қаржыландыру бағдарламасының арқасында кәсіпкерлердің тиімді шарттармен ақша алуға мүмкіндігі бар екенін атап өтті.

“СК-Агро” ЖШС өңірде 2016 жылдан бастап жұмыс істейді. Мал шаруашылығы-агроқұрылым қызметінің жаңа бағыты.