Тұрақтандыру қорының өнімі бағасының мониторингі

“Солтүстік” ӘКК АҚ қызметкерлері Петропавлдың супермаркеттері мен дүкендерінде тұрақтандыру қорынан сатылатын әлеуметтік маңызы бар азық-түлік өнімдерінің бағасына мониторинг жүргізуді жалғастыруда.

Әр апта сайын “Солтүстік” ӘКК АҚ бағасын бақылауды 10-15 сауда нүктесінде жүзеге асырады. Солардың бірі-М.Жұмабаев көшесіндегі Aimer супермаркеті. Мұнда тұрақтандыру қорынан күріш, қарақұмық, өлшенетін кеспе, 1-ші сортты ұн, тұз, тауықтың сирақтары, жұмыртқа, күнбағыс майы, сәбіз, пияз, картоп және қырыққабат сатылады.

Естеріңізге сала кетейік, тұрақтандыру қорынан сатылатын қарақұмық жармасының бағасы 20 желтоқсаннан бастап 170 теңгеге дейін төмендеген.

Тұрақтандыру қорының өнімдері супермаркеттерге-аптасына үш рет, екі рет-үй жанындағы дүкендерге жеткізіледі.

Тұрақтандыру қорының өнімі сатылатын “Солтүстік” ӘКК АҚ меншікті сауда нүктелері келесі мекенжайлар бойынша орналасқан:

Петропавлда:

✔️”Дария” базары, Бостандық көшесі, 22а,

✔️”Алтын арман” базары, Астана көшесі, 30а,

✔️”Корона” сауда үйі, Хименко көшесі, 16,

✔️”Тайга” базары, Жабаев көшесі, 190,

✔️”Мұхит” сауда үйі, Абай көшесі, 77,

✔️”Алматы-Петропавл” базары, Островский көшесі, 50,

✔️”Қызылжар” базары, Н. Назарбаев көшесі, 69;

Бескөлде:
✔️ «Казпошта» АҚ ғимараты,  Гагарин к., 6А.

Тұрақтандыру қорының өніміне өзекті бағалар және оны сатып алуға болатын сауда нүктелерінің толық тізімі “Солтүстік” ӘКК” АҚ сайтында орналастырылады. https://spk-soltustik.kz/стабилизационный-фонд/