Тұрақтандыру қорынан көкөніс қорларын броньсыздандыру басталды

ҚР Премьер-Министрінің орынбасары Серік Жұманғариннің тапсырмасы бойынша азық-түлік инфляциясын тежеу үшін тұрақтандыру қорынан көкөніс қорларын броньсыздандыру басталды.

Солтүстік Қазақстан облысында тұрақтандыру қорында 1224 тонна картоп, 520 тонна сәбіз, 400 тонна қырыққабат, 500 тонна пияз бар.

Тұрақтандыру қорында көкөністерден басқа 4520 тонна ұн, 263 тонна кеспе, 258 тонна күріш, 400 тонна қарақұмық жармасы, 602 мың литр күнбағыс майы, 420 тонна тұз, 1237 тонна қант, 445 тонна тауық еті, 4818 мың жұмыртқа бар.

Броньсыздандырылған көкөністерді “Солтүстік “ӘКК” АҚ сегіз сауда нүктесінде, “Северный” желісінің төрт супермаркетінде, екі “Aimer”, үш “Семей” желісінде, “Магнум” желісінде, “Сокол”, “Айсберг”, “Пирамида” СҮ-де орналасқан сауда нүктелерінде, үйдің жанындағы дүкендерде сатады.

Тұрақтандыру қорына әлеуметтік маңызы бар азық-түлік тауарларының 19 атауының 14-і сатып алынады. Бұл мақсаттарға облыстық бюджеттен қаражат бөлінеді. Биылғы жылы сома 2,85 млрд теңгені құрайды.

“Солтүстік” ӘКК ” АҚ тұрақтандыру қорын қалыптастырады.

Облыста өндірілмейтінді қоспағанда (күріш, қант, күнбағыс майы, тұз), өнімді жергілікті тауар өндірушілерден сатып алады. Сатып алу қарыз, форвардтық сатып алу және жеткізу шарттарын жасасу арқылы жүзеге асырылады.

Өнімді сақтау “Солтүстік “ӘКК” АҚ, тауар өндірушілер мен “Радуга”ЖШС қоймаларында және көкөніс қоймасында жүзеге асырылады.

Өнімдер тұрақтандыру қорының нүктелеріне күн сайын, супермаркеттерге – аптасына үш рет, екі рет – үйдегі дүкендерге жеткізіледі. Тұрақтандыру қорымен ауылдық дүкендер де жұмыс істейді. Өтінімдерді аудандардағы кәсіпкерлік бөлімдері қабылдайды және “Солтүстік “ӘКК”АҚ-ға береді.

Сауда нүктелерінің тізімі және тұрақтандыру қоры өнімдерінің өзекті бағалары “Солтүстік” ӘКК сайтында орналастырылады.