СҚО-да “Ауыл аманаты” бағдарламасын жүзеге асыруға 600 млн теңге бөлінді

Солтүстік Қазақстан облысы республикалық бюджеттен “Ауыл аманаты” бағдарламасын іске асыруға 600 млн теңге алды. Сенім білдірілген агент “Солтүстік” ӘКК” АҚ болып табылады.

ШОБ саласындағы мемлекеттік бағдарламаларды іске асыру бөлімінің бастығы Талғат Жұмабеков биылғы жылы бағдарламаға қатысушыларға қойылатын талаптар өзгергенін айтты.

Енді қарыз алушылар:

– жұмыссыздар,

– жеке кәсіпкер ретінде мемлекеттік тіркеусіз өзін-өзі жұмыспен қамтығандар,

– әрекетсіз жеке кәсіпкерлер,

– отбасылық кәсіпкерлікте ақы төленбейтін қызметті жүзеге асыратын тұлғалар,

–  сату (айырбастау) үшін жеке қосалқы шаруашылықта өнім өндіру жөніндегі қызметті өз бетінше жүзеге асыратын, табысы ең төменгі күнкөріс деңгейінен төмен тұлғалар.

Микрокредитке рұқсат алғаннан кейін Мемлекеттік кірістер органдарында дара кәсіпкер ретінде тіркелу талап етіледі. Бұл ретте Қарыз алушы шарттың қолданылу мерзімі ішінде осы мәртебені сақтауға міндетті

Бизнес қарыз алушының тіркелген жері бойынша әрекет етуі тиіс.

Жаңа қағидаларға сәйкес “Ауыл аманаты” бойынша ғимараттарды, үй-жайларды, тұрғын үйлерді кейіннен жалға беру үшін, жеңіл автокөлікті, ауыл шаруашылығы жануарларын жақын туыстарынан сатып алуға және салуға және көтерме және бөлшек саудаға қарыз беруге тыйым салынады.

Микрокредиттің ең жоғары сомасы-2 500 АЕК (9,8 млн теңге) дейін. Ауыл шаруашылығы өнімдерін қайта өңдеу және ауыл шаруашылығы кооперативтерін дамыту жөніндегі жобалар үшін-8 000 АЕК (31,4 млн теңге) дейін.

Ауыл шаруашылығы емес бизнес түрлері үшін микрокредит мерзімі – 5 жылға дейін, ауыл шаруашылығы және өнімді қайта өңдеу саласындағы жобалар үшін – 7 жылға дейін. Негізгі борышты өтеу бойынша жеңілдікті кезең микрокредиттеу мерзімінің ұзақтығы 12 айдан аспайды.