Солтүстік Қазақстан облысының тұрақтандыру қорына өнім сатып алу туралы

Солтүстік Қазақстан облысында “Солтүстік “ӘКК” АҚ тұрақтандыру қорын қалыптастырады. Жыл сайын әлеуметтік маңызы бар азық түлік сатып алуға облыстық бюджеттен қаражат бөлінеді.

27 қыркүйектегі жағдай бойынша тұрақтандыру қоры үшін 10,5 мың тоннадан астам өнім сатып алынды. Оның ішінде 4 мың тонна ұн, 186,6 тонна түтік кеспе, 326,2 тонна күріш, 369,4 тонна қарақұмық жармасы, 820 мың литрден астам күнбағыс майы, 424 тонна тұз, 1,3 мың тоннадан астам қант, 1,3 мың тоннаға жуық картоп, 412,3 тонна сәбіз, 436,6 тонна қырыққабат, 418 тонна пияз, 473 тонна тауық еті.

Әлеуметтік маңызы бар 19 тауардың 14-і тұрақтандыру қорына сатып алынады. Өнім облыста өндірілмейтінін қоспағанда, жергілікті тауар өндірушілерден сатып алынады. Сатып алу қарыз, форвардтық сатып алу және жеткізу шарттарын жасасу арқылы жүзеге асырылады.

Өнімдер әрқашан қоймаларда болады және тұрақтандыру қорының нүктелеріне күн сайын, супермаркеттерге – аптасына үш рет, екі рет – үйдегі дүкендерге жеткізіледі. Тұрақтандыру қорымен ауылдық дүкендер де жұмыс істейді. Өтінімдерді аудандардағы кәсіпкерлік бөлімдері қабылдайды.

“Солтүстік” ӘКК АҚ сауда нүктелерінде “Лидер” күрішінің құны бір килограмына 300 теңгені, қант – 460 теңгені, “Ассоль” тұзының құны – 50 теңгені, “Егін” өлшенетін түтік кеспе – 245 теңге, қарақұмық – 330 теңге, “Заречное” өсімдік майы – 650 теңге, “DEZ”1 сортты ұны – 2 кг қаптама үшін 253 теңгені құрайды, 2023 жылғы жа өнім қырыққабаты мен пиязы тиісінше килограмына 95 және 110 теңге бағамен сатылады. Тауықтың сирақтарын бір килограмына 950 теңге, жіліншік – 1 280 теңге, жамбастарын – 1 240 теңге бағамен сатып алуға болады. Тұрақтандыру қорының нүктелеріндегі 1 санаттағы жұмыртқалардың құны ондық үшін 350 теңге.

Тұрақтандыру қоры өнімдерінің өзекті бағалары мен сауда нүктелерінің тізімі “Солтүстік” ӘКК ” АҚ сайтында орналастырылады.https://spk-soltustik.kz/стабилизационный-фонд/