“Солтүстік” ӘКК ауыл шаруашылығы жерлерін суару жобаларын қаржыландырды
“Солтүстік” ӘКК АҚ жалпы сомасы 2 млрд теңгеден асатын су үнемдеу технологияларын қолдана отырып, ауыл шаруашылығы жерлерін суару бойынша үш жобаны қаржыландырды. Оларды іске асырудың арқасында өңірде суармалы жерлердің көлемі мың гектардан астам ұлғайды.
Шал ақын ауданының “Asyl Farms”, Ғ. Мүсірепов атындағы ауданның “Астық Привольный” және ” ES Global Agro ” агроқұрылымдары жылдық 4% – бен тиімді қарызды пайдаланды.
“Солтүстік “ӘКК” АҚ кредиттеу және жобаларды басқару департаментінің басшысы Олжас Сағандықов кредиттік процесті және жобаларды конкурстық іріктеуді ұйымдастыру бірнеше кезеңнен өтетінін атап өтті. Оның ішінде ұсынылған құжаттар топтамасына оның толықтығы және қарыз алуға үміткердің біліктілік талаптарына сәйкестігі, қаржылық тұрақтылығы тұрғысынан талдау жүргізіледі.
«Қарыз беру туралы шешім қабылдағанға дейін қарыз алушының оны уақтылы және толық көлемде қайтару және сыйақы төлеу қабілетіне бағалау жүргізіледі. Қарыз алушының міндеттемелерді уақтылы және толық орындауын қамтамасыз ету қарыз берудің міндетті шарты болып табылады. Конкурсқа қатысатын кәсіпкерлік субъектілеріне біліктілік талаптары қойылады. Олардың ішінде жұмыс тәжірибесінің болуы, банк алдында, міндетті жарналар мен салық аударымдары бойынша берешектің болмауы және тағы басқалары бар”, – деп түсіндірді О. Сағандықов.
“Asyl Farms” ЖШС 500 млн теңге көлемінде қарыз алды. Америкада шығарылған төрт дөңгелек типті MAS AGRO NL машиналарын сатып алып, орнатты. Суару алаңы 356 га құрады, оның ішінде 186 га жемшөп, 20 га картоп және 150 га жүгері.
«Біз Шал ақын ауданында кеңес заманында суару жүйесі болғанын білдік, арықтарды көрдік. Өкінішке орай, жаңа заманауи жабдықты сатып алуға бос қаражат болмады. ӘКК арқылы агрожобаларды қаржыландыру бағдарламасы бизнес үшін жақсы шарттарда пайда болған кезде – сегіз жылға жылдық 4% – бен — біз оны бірден пайдалануды шештік. Құжаттарды жинауда қиындықтар болған жоқ, банктен несие алудан қиын емес. ӘКК агробизнеспен жақсы таныс, біздің жұмысымыздың ерекшеліктерін біледі. Өткен жылы 500 млн теңге көлемінде қарыз алып, биыл 356 гектарға суару жүйесін іске қосты. Бірінші кезең ең қымбат болды, өйткені инженерлік желілер, құбырлар салынды. Болашақта, әрине, арзанырақ және тезірек болады. Суару жүйесі бірінші жылы іске қосылды, бірақ біз ұзақ уақыт бойы пайдаланылмаған жерлерді егуге қарамастан жақсы нәтижелерді көріп отырмыз. Келесі жылы біз одан да жақсы өнім алатынымызға сенімдіміз. 2024 жылы барлығы 12 суару машинасын сатып алып, суармалы жерлердің аумағын екі мың гектарға дейін кеңейтуді жоспарлап отырмыз, келешекте кезең-кезеңімен – 10 мың гектарға дейін жеткіземіз. Шал ақын ауданында тоқтап тұрған ауыл шаруашылығы жерлерін игереміз”, — деді компанияның қаржы директоры Бақыт Қабенов.
“Астық Привольный” ЖШС 140 га аумақты суарады, бұл негізінен жүгері мен жоңышқа алқаптары. Компанияның инфрақұрылымды жүргізуге арналған жобасы “Оңтүстік”ӘКК арқылы қаржыландырылды. Жемшөп дақылдарын суару алаңы 300 гектарға дейін ұлғайды.
Үшінші жоба – “ES Global Agro” ЖШС. Компания егістіктерді суару жүйесіне Инфрақұрылым жүргізді, электр автоматты станциясын, Zimatic дөңгелек типті машиналарды сатып алды. Суару алаңы 300 га құрады, оның ішінде 255 га жемшөп (жүгері мен жоңышқа) және 45 га картоп.
Ауыл шаруашылығы және жер қатынастары басқармасының ақпараты бойынша, жалпы облыс бойынша суармалы жер көлемі биыл 4 713,5 га құрады, оның ішінде тамшылатып суару — 522,5 га және жаңбырлатып суару – 4 191 га. Негізгі өсірілетін дақылдар жемшөп – 2 409 га, дәнді дақылдар – 1 038 га, картоп — 1 052,5 га және көкөністер болып табылады — 214 га. Өткен жылы суару алаңы 2 727,6 га құрады.